يا ريت لو كانت حياتنا معكوسة
مثلا تبدأ مريض على السرير وكل الناس ملمومة حواليك ومهتمة بيك
و كل مدى صحتك تتحسن
....
تبدأ شغلك بمكافأة “نهاية الخدمة”..فلوس كتييييييييييييير..
ويبقى عندك فيلا و ست سبع عربيات مثلا و تلت اربع شركات على الاقل
....
و تفضل تصغر,لحد ما تبقى شاب مش لاقى شغل,بس مش مهم,لأنك اصلا معاك فلوس كتير
فتستمتع بشبابك من غير مايكون عندك هم انك تكوّن نفسك بقى وتضطر تنسى نفسك عشان تجمع شوية فلوس تعرف تعيش بيهم عيشة اقل من المتوسطة
.....
وتفضل تصغر تصغر لحد ما تبقى طفل,وماتبقاش شايل هم حاجة..خالص
و تضحك و تلعب ومايهمكش
.....
و تفضل تصغر لحد ما تدخل اوضة, وكل الناس حواليك مبسوطين جدا بيك
لحد ما ترجع تانى مكان ما جيت
بعد ما تكون عشت حياتك بكل دقيقة فيها
وآخر حاجة تشوفها وشوش حبايبك حواليك عليها ابتسامة,مش دموع
....
مش كدا احسن؟
________________
ميار الشحات
No comments:
Post a Comment
Leave a comment before you go :)