الحاجات السخيفة كتير, مش هعرف اختصرهم فى عشر حاجات بس, بس دول حاجات انت لازم فعلا تبطلهم حالا!
1) بلاش بوس!
انتوا كولاد بتبوسوا بعض ليه لما بتسلموا على بعض؟ بتبوسوا بعض ليه بجد؟
البنات الى بتبوس عشر بوسات عالخد دا و عشر بوسات عالخد دا عايزين اية؟ اية المبرر؟
حاجة سخفية جدا انى افضل اخمن يا ترى دى من النوع الى بيبوس 3 بوسات ولا 4 ولا مابتبوسش خالص ولا اية؟!!
يا ريت يا جماعة بلاش بوس فى السلام بعد كدا..
هنوفر وقت و صحة والله..
2) اللوم و العتاب.
اساتذة فى اللوم..ماتصلتيش بيا ليه؟ ماسألتيش عليا ليه لما كنت تعبانة؟ ماقولتليش ليه انك خرجتى مع فلانة؟
فى ناس كل كلامهم عبارة عن لوم بس..لو انت من النوع دا لازم تبطل حالا يا اما ماتزعلش لما تصحى تلاقى نفسك وحيد وكل الناس مش طايقينك!
اولا انت ماتعرفش ظروف الى قدامك..ثانيا الحاجة لو ماتلعطش من الواحد ماينفعش تطلبها او تلومه على انه ماعملهاش..
احنا فى رحلة يعنى خليكوا فريش!
3) راعى الظروف
زى ما انت بتحب الناس تراعى ظروفك, راعى انت كمان ظروفهم..و اوعى تسخف من مشكلة حد, او من انجازه..
4) الحلفان المبالغ فيه.
انت بتحلف كتير ليه؟ اصلا 90% من حلفاناتك كدب..فحاول تبطل حلفان حتى لو صادق..والله الى عايز يصدق يصدق, الى مش عايز براحته..مش هيصدقك بردو لو قعدت تحلف لبعد بكرا.
5) اسألة كتير جدا لنفس الغرض.
"أزيك؟..اية الاخبار؟ الدنيا عاملة معاك اية؟" ما خلاص يا وَحش! خلاص!! هنفضل اول ربع ساعة ازيك؟ ما قولنا الحمد لله..الحمد لله والله..والله العظيم الحمد لله..ننقل بقى على المرحلة الى بعدها.
6) شكوى لا منتهية.
مش كل ماتقابل حد تفضل تشتكيله و تجيب ماضيك القديم..ماحدس بيحب كدا يعنى!
7) لو مش عارف حاجة..بسيطة, قول "ماعرفش"
7) لو مش عارف حاجة..بسيطة, قول "ماعرفش"
ايوة احنا بشر..و عادى فى حاجات نعرفها وحاجات لأ..فأرجوك ماتفتيش يعنى..
8) ماتنتقضش حاجة غير لما تكون مجربها.
8) ماتنتقضش حاجة غير لما تكون مجربها.
"لا يا عم الايفون دا زبالة .. "
"السامسونج هيجنج منك كتير"
الكانون وحشة, هات نيكون"
و انت اصلا ماستخدمتش حاجة من دول..
او تكون مادخلتش الفيلم, بس بتشكر فيه لمجرد انك بتحب البطل..
ارجوك ماتقولش رأيك فى حاجة انت ماجربتهاش..وماتعملش نفسك فاهم فى كل حاجة!
"السامسونج هيجنج منك كتير"
الكانون وحشة, هات نيكون"
و انت اصلا ماستخدمتش حاجة من دول..
او تكون مادخلتش الفيلم, بس بتشكر فيه لمجرد انك بتحب البطل..
ارجوك ماتقولش رأيك فى حاجة انت ماجربتهاش..وماتعملش نفسك فاهم فى كل حاجة!
9) ماتحكمش عالناس.
الكلام فى النقطة دى يطول اوى, بس اختصارا للوقت بلاش تخين بس طيب, محجبة بس شمال, بيشتغل فى الخليج يبقى غنى جدا..والكلام العنصرى دا الـ judgmental
10) ماتتدخلش فى الى مالكش فيه.
سهلة اية و بسيطة..اظن انت عندك حاجات كتير اوى تهتم بيها غير امور الناس..ركز فى شئونك انت هتعيش مرتاح..مش مرتاح اوى بردو..بس يعنى..اهو محاولة.
