وآخرة الكسل إيه؟ | ميار الشحات

انا انسانة كسولة جدا..بيجى فى بالى حاجات كتير اوى اعملها, بس طبعا مابعملهاش لأنى بسكل..

بقيت اكسل ارسم..

اكسل اكتب..

اكسل انزل اقابل صحابى..اقابلهم اية؟! دانا بكسل ارد عليهم على الواتساب..

بكسل اصور..

بكسل اعمل ديزاينز..

بكسل انزل اجيب لبس..

بكسل آكل..اة والله بكسل آكل..

حتى لما بتجيلى فرصة شغل..مابقبلهاش عشان هكسل انزل كل يوم فى معاد معين اروح مكان معين اقعد فيه بالساعات واعمل حاجات..

احب الشغل الـ freelancing..مع نفسى كده و ماحدش له فيه..إلا طبعا لو فى deadline سخيف.

كمية الفرص والخروجات والحاجات الى بفوتها بسبب الكسل مهولة..و مش عارفة اخرتها اية يعنى..

لو تعرفوا فى كام بوست ماكملتوش بسبب الكسل..وكام بوست فى دماغى عايزة اكتبه..وكام project عايزة اعمله..والله تشفقوا عليا..

المشكلة ان الناس الى حواليا مش كده خالص..كل الى اعرفهم ما شاء الله..قمة فى النشاط :D فبالتالى انا مش بعرف اتعامل معاهم ابدا..فبتحصل المشاكل..

انا متأكدة ان فى علاج للكسل ده..بس الحقيقة مش عارفة اوصله :D

ملحوظة: طبعا واضح جدا انى كسلت ارسم رسمة عدلة للبوست..فعادى بقى