Doubt | قصيدة الشك | لمصطفى ابراهيم | BY Mayar El-Shahat


فيديو عملته لقصيدة "الشك" لمصطفى ابراهيم وانا بسمعها..



"الشكّ عمره أطول م الحقيقة
بيموت ف بيتولد غيره ف نفس الدقيقة
و الحقيقة
أجمد م الرخام
الشكّ بيرتوي بالوقت
و الحقيقة بتغرق شبر شبر ف الأيام
الشكّ شاب زهقان م الطريق السهل
مستني يطلع بره بيت الأهل
و الحقّ أب عجوز بيمشي خطوته على مهل
الشك يمكن و الحقيقة بجد
لكن محدش فيهم بيغلب حد
زي النهار و الليل
و الصخرة اللي نحتها السيل
و النهارده اللي بيشرح امس
في البدء كان الظلام 
قبل أمّا تبقى الشمس
و سلاسل الزمن تتفك
كأن من بدء الخليقة
في البدء ما كانتش الحقيقة
 و في البدء كان الشك .."

ميار الشحات

No comments:

Post a Comment

Leave a comment before you go :)