من اول ما شوفت بوستر فيلم الشيخ چاكسون وانا متحمسة جدا اني اشوفه..وخصوصا بعد البروباجاندا الي حصلت عليه..حمستني اشوفه اكتر بس علت توقعاتي في الفيلم
وفعلا دخلت الفيلم اول ما نزل، بس للأسف ماكنش زي ما كنت متوقعة..
الفيلم حلو، تصوير حلو اضاءة ممتازة مونتاج والوان ممتازين..حاجة كده بلاد بره..بس يمكن المعالجة مكانتش احسن حاجة..السيناريو مكنش موفق في بعض الاحيان..لكن من الحاجات الي عجبتني جدا مشاهد الرقص..كانت معمولة بمنتهي الاتقان..
الفيلم وقع في ازمة الكليشيهيات..بس يمكن ده بسبب طبيعة الموضوع الي بيناقشه الي هو اصلا كليشيه..الصراع بين التدين والزهد..والبحث عن الذات والي تاهت في وسط تغيرات ومواقف كتيرة شهدتها الشخصية في حياتها..
الفيلم ناقصه حاجة معينة عشان يتقال عليه "حلو" بس ايه هى الحاجة دى انا مش عارفة احددها..
اعتقد ان من الحاجات الى ساعدت الشيخ چاكسون انه ينتشر بره هو وجود عنصر "مايكل چاكسون"
بس خلونا نتخيل ان لو كان نفس الفيلم ده بس بدل چاكسون كان "عمرو دياب" مثلا..اعتقد مكنش هيلاقى نفس الاهتمام العالمى..
فى ناس كتير اعترضت على "فكرة الفيلم" وشايفين انه تجريح فى الدين وفيه نوع من الازدراء وكده..ملناش دعوة يا مُحى..
فيلم "الشيخ چاكسون" حقيقى جدا..واعتقد ان مافيش حد فينا مامرش بنفس الصراع الى فى الفيلم حتى ولو بنسب متفاوته..
الفيلم في المجمل لطيف..كنت مبسوطة وانا بتفرج..القصة حلوة..المعالجة مش احسن حاجة..التنفيذ ممتاز
الشيخ چاكسون اديله ٦.٥/١٠
ملحوظة بس كده: انا مش ناقدة افلام ولا اى حاجة
ده مجرد رأيى فى الفيلم, كمشاهد عادى.
mayarelshahat mayar jackson shiekh sheekh elsheikh jackson amrsalama amr salama ميار ميارالشحات عمرو سلامة جاكسون الشيخ جاكسون
No comments:
Post a Comment
Leave a comment before you go :)