الحب صابنى و رب العرش نجانى

الحب صابنى و رب العرش نجانى..

لا هقول واحشنى ولا تقولى انتى وحشانى..

ولا هرمى كلمة عشان تقول كلام تانى..

ولا حتى نظرة لا تقول دى بتغمز و قصدانى..
**

الحب صابنى و رب الرحمة خلانى..

ابعد شوية عنك,و منك حمانى..
**

الحب صابنى و رب العقل خيرنى..

يابعد ياكمّل ودا شئ كان محيرنى..
**

الحب صابنى و رب العزة اكرمنى..

وبعدت عنك كدا احسن و اضمنلى..
**

الحب صابنى و رب الحكمة ابصرنى..

مابقتش اصدق كلامك مع انه كان مصبرنى..

**

الحب صابنى و رب المغفرة قالى..

استغفرى لحبك و اعبدى و صلى..

وانا كل ليلة ببقى فيها هتوب..

برجع اقلب فى الرسايل والمكتوب!

________
ميار الشحات