- مافيش مدرس كان نفسه يطلع مدرس.
- ماينفعش تتخانق مع بياع الخضار عشان بيكيل الخضار بمكيالين.
- اسوأ الروائح هى روائح معطرات الجو.
- مدرسين الكمبيوتر هم ابعد ما يكون عن الكمبيوتر..اقصى معلوماتهم الفيس بوك!
- فى حاجات تانية ابنك ممكن يعملها غير انه يذاكر او ينام.
- فى كل خناقة هتلاقى شخص يبقول "اوباااا" و شخص تانى بيقول "خلاص يا جدعان!"
- 90% من البنات بيعملوا دايت...او بيتخيلوا انهم بيعملوا دايت يعنى.
- كلنا عندنا عقدة الخواجة.
- ماحدش بياكل البالوظة بمزاجه.
- الملايكة مابتاكُلش رز بلبن مع حد.
- بيتزا البيت لا تمط بصلة لبيتزا المطاعم..و انتى مش هتعرفى تعملى لولادك فراخ كنتاكى فى البيت..
- لو طلبت من حد يفكلك فلوس هيقولك "لا والله ماعييش فكة"..اى حد.
- ماحدش بيحترم الرأى الآخر.
- لما تكدب على حد عشان خايف يزعل, مسيره هيعرف و هيزعل مرتين, مرة عشان الحوار نفسه و مرة عشان كدبت عليه.
- البسطرمة فى نظرى احلى من السوشى.
- الكب كيك هى كيكة بس على صغير, فمش حوار يعنى.
- الطريق مش واقف ولا حاجة, انت الى اتأخرت عليهم.
ميار الشحات mayar elshahat mayarelshahat mayarelshahhat ميارالشحات
