بنهاية الترم بيجى موسم البروچيكتس, و بما اننا فى كلية اعلام, و تخصص إذاعة و تليفزيون, بتكون مشاريعنا عبارة عن فيلم قصير او اخراج لمشهد معين..السنادى فى شغل حلو اوى, بالنسبة لطلبة فى الكلية و إمكانياتنا المحدودة جدًا يعنى..
جمعت أفضل الأعمال الى لازم تشوفها..و بما إن انا الى بكتب فلازم طبعا أحُط البروچيكت بتاعى أول واحد :'D
#1
فيديو كليب لأغنية "ده ولا ده"
-إخراج ميار الشحات
الأغنية لـ" طاخ بروچيكت"
#2
"تدور و ترجع"
-إخراج إيلاف سليم
تصويره عظيم, و الكادرات جميلة جدا..و بينقلك لمود تانى خالص..
#3
"Nail Polish"
-إخراج عمر عادل
الفكرة حلوة جدا, و التصوير عظيم..كان ممكن يكون اطول شوية عشان الفكرة توصل بشكل أفضل, ولكن بشكل كلى عجبنى جدا..
#4
"Move on before it's too late"
-إخراج يمنى ثروت
عجبنى انهم سلطوا الضوء على حاجة مهمة جدا..التصوير عجبنى جدا, اداء منة حلو..ولكن كان فى مشاهد مدتها بتكون طويلة اكتر من اللازم..لكن غير كده جميل
#5
"What Lies Beneath"
-إخراج أحمد منصور
الفكرة حلوة والتنفيذ جميل..لازم تشوفوه
#6
"Equals not Inferiors"
-إخراج همس تامر
هو آة الفكرة اتعملت قبل كده, بس هما منفذينها بطريقة لطيفة جدا جدا..حبيته
#7
عمر وليلى: مش طايقاه يا مامى
-إخراج راندا أشرف
مشهد خفيف و لطيف و ظريف :D والولد اداؤه كويس..
دول تقريباً أفضل المشاريع -بالنسبة للى شوفتهم- فى وجهة نظري..ده شغل طلبة فى سنة تالتة, بأقل إمكانيات, مع العلم ان الكلية مش بتعلمنا حاجة تُذكر يعنى..الكلية كأنها بتعلمنا الحروف بس, واحنا بنكتب كتب مثلا..
No comments:
Post a Comment
Leave a comment before you go :)