او ممكن يكون كان زمان مستقوى على عيلته..بيحرم ابنه و بيخون مراته..وبيهمل بنته,ومقضيها مع صحابه و...حاجات تانية..فلما كبروا ما صدقوا يسيبوه و يمشوا..يبعدوا عنه لانه دمرلهم حياتهم..و هو دلوقتى فى كبره و عجزه بيدفع تمن الى عمله زمان
او ممكن كان زمان بيشتغل عامل فى بلد خليجى..و عاش هو و عيلته هناك.. و رغم قلة دخله ماكنش بيبخل عليهم بأى حاجة..وكان معيشهم كويس جدا..وكانوا اغلى حاجة عنده..و جه الوقت الى ابنه الكبير هيدخل الثانوية فقرروا ينزلوا مصر..وبما انهم مش معاهم فلوس اختاروا يرجعوا بالعبارة..والعبارة-كالعادة- تغرق..ومافيش حد بنجى الا هو!..
او ممكن يكون طفشان..الحمل عليه كتيير..او ممكن يكون مكسور..كل اللى له تحت التراب..
كل واحد منهم له حكاية..بعرفها - او بتخيلها- لما بشوفه..و بزعل جدا لأنى خايفة يجى عليا اليوم الى هبقى فيه زيهم..لأنى بكره الوحدة!
No comments:
Post a Comment
Leave a comment before you go :)