شماعة الحسد

ابسط حاجة انك تعلق اى شئ يحصلك على شماعة الحسد, وانك ماتعترفش بخطأك او تقصيرك اذا قصرت..تلاقى ان اى حد يحصله اى حاجة يقولك انا محسود..يعنى مثلا:

واحد كان بيذاكر كويس جدا اول السنة..وكانت درجاته حلوة وبتاع..جه على نص السنة اتخنق و بقى يكبر دماغه و درجاته بقت وحشة..فيقولك انا اتحسدت..اتحسدت اية بس يابنى مانت الى مابقتش تذاكر زى الاول..هيقولك اة مانا مابقتش اذاكر زى الاول علشان انا اتحسدت!..لأ انت مابقتش تذاكر زى الاول علشان انت كبرت دماغك وكسلت..فماتجيبش كل حاجة على الحسد.

و واحدة كانت كويسة اوى مع جوزها..بعدين بدأوا يتخانقوا..تقولك انا اتحسدت..لأ انتى ماتحسدتيش..انتوا بتتخانقوا علشان انتوا مابتسمعوش بعض..مابتتفاهموش..وبتتعصبوا على بعض..

واحد جاب عربية جديدة وراها لصاحبه الصبح..نزل بليل بيها و عمل حادثة اتكسرت 100 حتة..يقول دا حسدنى..لأ هو ماحسدكش..انت الى كنت سايق بسرعة جدا..

و قيس على كدا كتييير..

انت ماتعرفش مين حسدك..انت ماتعرفش لو فى حد حسدك اصلا ولا لأ..

مش بقول ان الحسد مش موجود..انا عارفة انه موجود..بس انت الى بعيد عن ربنا..وانت الى مش بتاخد بالاسباب..و لقيت ان اسهل حاجة تريح ضميرك بيها هى انك تعلق كل حاجة على شماعة الحسد..ماتفكرش فالحسد خالص..لانه بيضر صاحبه بس..انت اعمل الى عليك..و خد بالاسباب وقرب من ربنا..واكسر شماعة الحسد.