الاب من دول يلاقى ابنه بيعمل حاجة غلط يقوله عيب يا حبيبى و غلط و ماتعملش كدا تانى..وخلص الكلام على كدا..وحمادة شاطر بيسمع كلام ماما و بابا..ياخد الكلمتين دول ويحطهم فى ودنه..وكل ما يجى يعمل كدا يفتكر ان بابا قاله غلط..
حمادة يكبر و لسة الفكرة فدماغه..يشوف واحد صاحبه فالمدرسة بيعمل الحاجة دى..فحمادة بندهش و ينبهر كداهوان..ويبص للواد صاحبه كدا..ويقوله
"اية الى انت بتعمله داااااا؟!" صاحبه يستغرب و يقوله
"عادى يعنى فيها اية؟وماعملش كدا لية؟؟"
"عشان كدا غلط!"
"مين قالك انه غلط؟"
"بابا و ماما"
"طب غلط ليه؟!"
هنا بقى حمادة يبلم و يسكت برهة كدا..-حلوة برهة دى-
"اية؟!..مممم..معرفش..غلط وخلاص..هما قالولى كدا"
"طب على فكرة بقى ولا غلط ولا حاجة..صح 100 ال 100
"بجد؟"
"اة اوماااال"
"طب قشطة نجرب!"
عارف ليه حمادة عمل كدا؟..علشان انت لما قولتله ان الحاجة دى غلط ماعتمدتش على الاقناع العقلى..كأنك بتبرمجه..دا غلط..ودا صح..ودا غلط بس احنا بنستعبط و نقول انه صح..وهكذا..لكن ماناقشتهوش وقولتله الغلط غلط ليه..والصح صح ليه..فمابقاش مقتنع بالفكرة و مؤمن بيها و يقدر يدافع عنها و يتمسك بيها..
زى ما انت بكل سهولة ادخلتله معلومة و قولتله ان الحاجة دى غلط..جه صاحبه و ادخله معلومة تانية بكل سهولة وقاله ان الحاجة دى صح..
وحمادة هيفضل كدا..لحد ما يقتنع بحاجة واحدة بــس!
No comments:
Post a Comment
Leave a comment before you go :)