فضلت اسأل شوية.. اية الي بيخلي الفراق صعب و بشع؟.. الفراق عامة.. سواء فراق شخص، مكان، او شئ..بس خاصة فراق الاشخاص.. يمكن آمالنا الي بنعلقها بسرعة علي شخص معين؟! يمكن عشان كنا مستنينه من زمان؟، و القيمة الكبيرة اوي الي بنديهاله فجأة.. يمكن يكون مايستاهلهاش.. مش عشان هو شخص وحش، بس يمكن مش واخد باله ان قيمته كبيرة عندك..و السؤال الي دايما في بالك "انا قيمتي عنده اية؟ مهم؟ ولا زيي زي غيري؟" و تفضل في مرارة البحث عن اجابة.. و طبعا ماتوصلش لحاجة..
و بعدين تسال نفسك.. انا ممكن اكون الشخص المهم في حياة احدهم وانا ماعرفش؟ طب هو مين الحد دا عشان ماخذلوش.. زي مانا ياما.. اتخذلت!
طيب اية السبب؟.. اية الي يجبرني ابعد عن حد متعلقة بيه و بقي من اهم الناس الي في حياتي؟ مش دي دُنيا زايلة؟.. خلاص خلونا نعيش فيها من غير الم بقي.. مشفاية انها زايلة والله اعلم هنشوفهم تاني ولا لأ؟
طبعا ماعرفش اية السبب.. ولا هعرف.. انا هفضل افارق و اتفارق.. لحد آخر العمر.. و من غير ماعرف السبب... ______________
ميار الشحات
ميار الشحات
No comments:
Post a Comment
Leave a comment before you go :)