..لما حد بتحبه اوى يموت
!اية الى هيتغير؟
..هتكتئب شوية
..هتزعل كتير
..هتمسك كل حاجة تخصه و تحضنها
..هتحس انك مش هتقدر تعيش من غيره
!هتفضل على الحالة دى اد اية؟
!شهر؟
!اتنين؟َ
!و بعدين؟
..هترجع لحياتك تدريجيا
..هتاكل و تشرب
..هتزعل و تضحك
..ممكن تفتكره ساعات
!تعيط..وحشك
وبعديها بكمان شهرين
لما هتيجى سيرته فى وسط الكلام هتقول الله يرحمه
..و تكمل
تكمل الى كنت بتعمله..عادى جدا
..هتكمل اكلك
..هتكمل الاغنية
..و بعديها بكمان شهرين
..لو جت سيرته اصلا..يبقى كتر خيرك اوى
!انك كلفت خاطرك و افتكرته
_______________________________
الاخلاص مش بس للناس الى عايشين
..الاخلاص الحقيقى لحبايبنا الى ماتوا
افتكرهم فى كل صلاة ..و ادعيلهم
وانت بتدعى لنفسك..ادعى كمان ليهم
دعائك بيوصلهم
بيعرفوا انك فعلا بتحبهم
"الله يرحمه" الى بنقولها لما بتيجى سيرة حد ميت دى مش بنقولها بغرض الدعاء..احنا بنقولها كدا وخلاص عشان جرت العادة على كدا..حاجة فى عقلك الباطن بتخليك تقولها تلقائيا
اوعى تنسى حد مات,افضل ادعيله على طول..لحد فى يوم ما تتقابلوا..هيبقى بيحبك اوى..احنا لسة مانعرفش حاجة عن الدنيا التانية..لو كنت بتحب حد هنا و مات قبل مايعرف انك بتحبه..او مات قبل ما يحبك..افضل ادعيله..هيحبك اوى فى الدنيا التانية :)
بلاش الله يرحمه التلقائية دى,وخليها تطلع من قلبك..ادعيله بكل حاجة حلوة..خليك .مخلص للناس الى بتحبهم..خليك مخلص للى مات
______________
ميار الشحات
______________
ميار الشحات
No comments:
Post a Comment
Leave a comment before you go :)