عزيزى دكتور الجامعة
تحية طيبة -بس مش اوى يعنى- وبعد
انت انسان رائع,عندك كم هائل من المعلومات,تعرف كل كبيرة و صغيرة,نظرتك ثاقبة,بتفهم فى كل حاجة,وانت الوحيد الى عارف خبايا الامور,وانت الوحيد بردو الى تعرف مصر الى اين -بعد حسنين هيكل طبعا-..انت من الآخر رائع
بس من فضلك,حاول تتواضع شوية مع الطلاب الى عندك,معلش استحملهم,ماتفضلش تتمنظر عليهم,ماتسخفش من رأيهم او كلامهم,لو انت شايفهم عيال هبلة,دورك تخليهم عقول محترمة,على الاقل ساعد فى دا,صدقنى تريقتك عليهم مش هتقدم ولا هتأخر,بالعكس هيكرهوك..زيادة
على فكرة مش كل الى قاعدين قدامك مابيفهموش حاجة وكدا لأ,فى منهم عقول محترمة جدا,لازم تقدر دا كويس,
اظن والله اعلم ان ألف باء تدريس انك تعرف ازاى تتعامل مع الطلاب بطريقة ايجابية و تحفيزية مش تحفظية
بالمناسبة,الى قاعدين قدامك دول هيبقوا حاجات عظيمة فى المستقبل,اغلبهم يعنى..و هتفتخر انك كنت بتدرسلهم فى يوم من الأيام,و هتتمنظر بالحوار دا على الدفعات الجديدة..الى هو
-"عارفين فلان الفلانى؟!..دا كان طالب عندى..انا الى كنت بدرسله"
و للحديث بقية
______________
ميار الشحات
______________
ميار الشحات
No comments:
Post a Comment
Leave a comment before you go :)