على قائمة الشراء | ميار الشحات

لما اغتنى -دا لو اغتنيت فى يوم من الايام يعنى :D -  من اول الحاجات الى هشتريها هتكون قبرى, و ازوره كل اسبوع..و يمكن فى الاسبوع اكتر من مرة..
و هحب المكان و هاخد عليه.. عشان يبقى فى بينا أُلفة كدا :D

مش حوار كآبة وكدا..بس زيارتى لقبرى وانا عايشة كل اسبوع هتخلينى فايقة اغلب الوقت..هفضل افكر فى كل الحاجات الى عملتها و بعملها.. و هفتكر دايما ان حياتى ممكن تقف فى اى وقت.وساعتها مش هقدر اغير اى حاجة..مش هقدر اصالح الناس الى زعلانين منى, مش هقدر اقضى وقت اكتر مع الناس الى بحبهم..مش هعرف اساعد حد, مش هعرف اعمل حاجات كتير كنت مأجلاها لبعدين..
كل مرة هزور فيها المكان دا هيبقى تأثيرها ايجابى جدا..
مش عايزة اول مرة اشوف قبرى يكون اليوم الى هدفن فيه!
انا فعلا نفسى يكون معايا فلوس كفاية انى اعمل كدا..

#ميار #ميار_الشحات #الشحات #mayarelshahat