لو انت من الناس المحظوظة الى النور بيقطع عندها 3 مرات فى اليوم و كل مرة اقل من ساعتين يبقى البوست دا ليك..
- ممكن تدعى على الى بيقطع النور -دا اساسى-.
- ممكن تراقب حركات النمل و رحلته من تحت السرير للتسريحة.
- ممكن تاكل بردو..بس دا فى حالة انك عندك حاجات جاهزة مش محتاج تدخل المطبخ او تستخدم المايكروويف.
- ممكن تستحمى, بس دا مش مضمون طبعا لو المياه عندك مابتطلعش غير بموتور.
- مانصحكش تقف فى البلكونة عشان هتلاقى الشارع كله فى البلكونات و بيتبادلوا اطراف الحديث عن حمادة دخل كلية اية و دعاء هتتجوز امتى.
- ممكن تتفرج على موبيلك و تراقب الشحن و هو بيقل لغاية ما يخلص خالص
- ممكن تتخانق مع اخواتك..و هتلاقيهم هما كمان متجاوبين لأنهم مش لاقيين حاجة يعملوها فـماهيصدقوا
- ممكن تتراهن مع اخواتك النور هيجى امتى و هيقطع كام مرة النهاردة..الحوار دا مسلى انا مجرباه كتير
- ممكن تتفرج على فيلم, بطارية اللاب توب هتفصل فى نص الفيلم..مش مشكلة,,كمل الفيلم من خيالك..صدقتى هتعمل فيلم احسن بكتير من الحقيقى
- ممكن تقعد مع نفسك و تفكر فمسائل وجودية عميقة..هتتسحل فى الموضوع دا و مش هتبطل غير لما النور يجي
- و طبعا طبعا ممكن تنام و ماتصحاش غير على نسمات الهوا الى جاية من المروحة الى بتبقى نفسك تبوس كل ريشة فيها
اول ما النور يرجع ماتنساش تشحن موبيلك و لابتوبك و كشافاتك و تقوم تستحمى -عشان المياه بقت قوية و عشان لزقت من الحر لما النور قطع- و فى وسط مانت بتعمل كل دا هتلاقى النور قطع تانى..ممكن تقرر الاقتراحات الى فوق دى بس بتغيير الترتيب عشان الروتين بس! :D
#ميار #ميار_الشحات #mayarelshahat
