انا عندى فوبيا من الألتزام بالمواعيد, او يمكن من الأتزام ذات نفسه, فكرة انى اكون مقيدة بميعاد معين, او وقت, او ساعة او اى تقييد بتخنقنى جدا..احب ابقى على راحتى, يمكن ده الى بيخلينى ارفض فرص كتير, لأنى اصلا كسولة جدا, لما اتقيد بوقت كمان الموضوع بيشكل ضغط كبير جدا عليا..
عايزة اعمل حاجات كتير جدا, بس بكسل,ببقى عايزة انزل اجيب حاجات, انزل مع صحابى, اروح شغل, و حتى الجامعة بكسل..محاضرات تسعة دى بتفاداها بكل الطرق, ولو فى شغل احب يكون على راحتى كده, من غير deadline ولا غيره,,فكرة التقيد عامة عملالى ازمة..يعنى مثلا بحب ارسم جدا, بس لما يبقى مطلوب منى حاجة معينة ارسمها مابعملهاش, و بكره الرسم جدا ساعتها.. ..انا عارفة انى كده مش هنفع فحاجة ابدا :D
حاسة انى لازم اتعالج من الحوار ده..بس اروح فين عشان اتعالج من فوبيا المواعيد؟!
ميارالشحات #ميار_الشحات #ميار الشحات #ميارالشحات #mayarelshahat
No comments:
Post a Comment
Leave a comment before you go :)