كنت عايزة اشترى ترايبود للكامير و كنت بشوف عالنت,وبما انى مش معايا فلوس كتير حاليا اضطريت اجيب واحد بدائى شوية..لقيت دا على موقع سوق.كوم
شوف المنتج هنا

كنت مترددة لكذا سبب,اولهم انى ماجربتش اشترى حاجة من عالنت قبل كدا..ثانيا انى مش هشوف المنتج قبل ما اشتريه و مش هقدر اعاينه..وهشترى بختك يابو بخيت كدا..

المهم لقيت ان سوق.كوم فيه COD ..يعنى تدفع لما تستلم طلبك..قولت ماشى،نتوكل على الله..
الترايبود كان تمنه ٦٢ جنيه..وقالى ان الشحن مجانا..فجأة اتضاف ١٠ شحن و لما اخترت وسيلة الدفع COD ضاف كمان ٥ جنيه..كدا التكلفة بقت ٧٧ جنيه..الموقع كان كاتب ان الشحن فى نفس اليوم لو احنا -انا والبايع- فى نفس المدينة..لكن الى حصل كان غير كدا
انا عملت الاوردر يوم ٢٢-٣ و وصلنى النهاردة ٢٧-٣ ..خد وقت كبير نوعا ما،
اما عن المنتج ذات نفسه..
فهو ترايبود سئ جدا جدا جدا و ردئ فعلا،وانا اكيد لو كنت شوفته قبل مادفع الفلوس ماكنت اشتريته ابدا..
الترايبود خفيف جدا جدا جدا و طوله مش مناسب ابدا..لا هو طويل ولا قصير..ارتفاعه غريب جدا..مايستهلش الفلوس الى اتدفعت فيه ابد...
و مع انى شوفت ريفيوز عنه قبل ماشتريه..ولكنى لو كنت شوفته عالحقيقة كان هيبقى افضل بكتير..
و دى اسوء حاجة انك تشترى من النت..انك بتشترى سمك فى ميه..
فى النهاية لا انصح ابدا بترايبود WF-3110A