مش لازم

فى ناس بحبهم جدا..بهتم بيهم جدا..بخاف عليهم جدا..و يفرقوا معايا جدا..

وانا عندهم واحدة عادية..لو راحت يجى غيرها..

انا عارفة دا كويس،ومش فارق معايا،

انا كل الى يهمنى،انى بحبهم،

كل الى فارق معايا وجودهم فى حياتى،

سعادتى وانا معاهم،لما بشوفهم،او لما بنتكلم،

انا بس خايفة اتعب،خايفة ازهق،خايفة اضعف،

خايفة امّل انى ولا حاجة عندهم،

بس انا خايفة من الخوف دا،

لانه مش بيخلينى مرتاحة..

انا كدا مرتاحة،وانا بحبهم وخلاص..هما حبونى ماحبونيش دى حاجة ترجعلهم..

____________

ميار الشحات