ازاى تبقى طالب جامعى روش فى عشر خطوات

1. دايما روح متأخرعلى اى محاضرة، ولو الدكتور قالك ماتدخُلش افضل سخف شوية كدا و اعملك show.
2. انت روش,يعنى ما بتذاكرش...او بتذاكر و مابتقولش..دايما عيش فى دور الى لا يفقه اى شئ فى المنهج..فى الحقيقة مش عارفة اية علاقة دا بالروشنة,بس هو كدا وخلاص!
3. اتريق على اى حد اكتيف فى المحاضرة, سواء بيسأل على حاجة او بيجاوب..
4. ارمى إفيه كدا بصوت واطى, بحيث ان صحابك الى قاعدين حواليك بس هما الى يسمعوا, فيضحكوا,فالدكتور يسألهم بيضحكوا على اية..و يحصل مشاداة كلامية بينهم,و كل الى قاعدين فى المحاضرة يسألوا " هو قال اية؟!" وكل الكلام هيبقى عليك يا روش!
5. يا سلام بقى لو معاك عربية, مفاتيح العربية هتعمل اعلى شغل معاك, حاول تبينهم على قد ما تقدر..
6. طبعا لو فى امتحان, افضل كرر "انا هسقط يا جدعان" .. "انا مش عارف حاجة.." و كلام من هذا القبيل, احنا اتفقنا ان الروشين مابيذاكروش!
7. تبقى جريمة لو اتصدمت و لقيت حد من الشلة بتاعتك بيجاوب على حاجة فى المحاضرة! بُصله شذرا كدا..و افضل سف عليه, بحيث يتخرس بعد كدا..
8. افتح النت طول المحاضرة,عشان الروشين مابيركزوش فى المحاضرات والكلام الفارغ دا..
9. خد سلفى كتير..كتييييير..كتييييييييييهيييييييييير جوا المحاضرة الى هو مش هامك الدكتور و بتاع .. و نزل الصورة على انستجرام و اكتب #instaMalal #instamo7adra #msh_fahem_haga #insta_has2at
10. روح البيت و اقعد عيط فى الكورنر عشان انت بتضيع نفسك, و بتضيع اجمل سنين عمرك -زيادة ما هما ضايعين اصلا- فى حاجات زالخرة زى الى انت بتعمله فوق دا..و فاكر نفسك انك كدا روش فعلا و كول و بتاع..

____________
ميار الشحات