الكلام فى الموضوع دا زاد و خد اكتر من حقه, فقولت ماجتش عليا وخلينا اقول كلمتين محشورين فى زورى
آة آية مصطفى دمها تقيل, ومابتضحكنيش خالص,
بالعكس بتنرفزنى..خصوصا لما تقول "يا حبيب اختك" بطريقة كلامها الى هى فكراها لطيفة و بتتعمد تعملها مخصوص عشان تضحكنا وكدا..
آية ابتدت بفيديوهات بدائية جدا بكاميرة الموبايل الامامية...فكرة بسيطة وكلام بسيط..ساعتها ممكن تكون فيديوهاتها كانت كويسة نوعا ما..
فجأة بقت مشهورة جدا و عندها فانز و بتاع لدرجة انى قريت الخبر دا النهاردة
آية مصطفى تتفوق على عمرو دياب وغادة عبد الرازق على Facebook
آية مصطفى وسامو زين وتامر حسني الأكثر نموا على مواقع التواصل الاجتماعي
و شُفت آخر فيديو عملته، اخراج نضيف بقى و تصوير خارجى و اية..شتان بينه و بين اول فيديوهاتها..
مع انه رخم جدا بردو..
مع انه رخم جدا بردو..
ماحستش انها عملت حاجة حلوة اوى او مبهرة تستاهل عليها كل البروباجندا دى..
بس خلينا متفقين على حاجة،
هى آة مانجحتش انها تعمل محتوى كويس، و آة دمها مش خفيف،
بس خلينا متفقين على حاجة،
هى آة مانجحتش انها تعمل محتوى كويس، و آة دمها مش خفيف،
بس هى اول Vlogger بنت فى مصر على اليوتيوب تقريبا..
و دى حاجة مش سهلة
و دى حاجة مش سهلة
خصوصا فى المجتمع المصرى اللطيف..
الى بيتريق على كل و اى حاجة..
الى بيهزق بس،
الى مابيعملش اى حاجة، و لو لقى واحد بيحاول بس يفضل يكسر فيه بالتريقة و النقد الغير بناء و غير موضوعى فى كثير من الاحيان..
هى عندها الجرأة والشجاعة انها تكسر حاجز الخوف انها تطلع و هى عارفة ان ٩٠% هيتريقوا عليها..
حتى لو دمها تقيل، حتى لو فيديوهاتها رخمة،
ممكن بعد كدا تعمل فيديوهات من نوع تانى "اتمنى يعنى"
ممكن بعد كدا تعمل فيديوهات من نوع تانى "اتمنى يعنى"
ممكن تعمل make up tutorials مثلا,,دى حاجة هى بتفهم فيها, و فى ناس هتستفيد منها..و يا ريت تبعد كل البعد عن السخرية او الكوميديا دى..
و يا ريت يا جماعة نبطل نتريق بقى على الناس الى بتحاول,
و يا ريت يا جماعة نبطل نتريق بقى على الناس الى بتحاول,
الناس الى عايزة تبقى حاجة..او بتعمل حاجة..
"فليقل خيرا او ليصمت"
النصيحة دى ليا قبل ماتكون لأى حد تانى.
النصيحة دى ليا قبل ماتكون لأى حد تانى.
