وسواس الفقدان | ميار الشحات

لما تتعلق بحد بتفقد جزء من حريتك..جزء من سكونك و سلامك الداخلى..بيفضل مقيدك بطريقة ما,
انا لما بلاقى نفسى اتعلقت بشخص ما, مابقدرش استمتع بأى لحطة معاه, لأنى بفضل افكر فى اللحظة الى هفقده فيها,
انا دايما بفكر فى ان مافيش حد هيفضل مع حد للأبد, سواء بقى موت, او اى ظروف تانية..
بس انا الموضوع بيفضل شاغل بالى بشكل رهيب,
يمكن من اول لقاء, افضل افكر لو اتعلقت بالشخص دا اية الى هيحصل..
و كل ما تعلقى بيه يزيد اكتر, كل ما السؤال دا بيلح عليا اكتر,
بفضل افكر فى اد اية الموضوع هيكون صعب, و مأسوى..و ان الحياة هتبقى عاملة ازاى بعد ما يختفى فجأة, و انه ازاى مش هقدر اشوفه تانى, و الذى منه..
عشان كدا بخاف جدا من انى اتعلق بأى حد, مهما كان هو مين,,خوفا من اللحظة الى هفقد ففيها الشخص دا.