امى العزيزة,
مش عارفة اشكرك على انك جبتينى للدنيا ولا لأ,بس بما انه امر واقع, خلينى اقولك شكرا,
شكرا عشان طلعتينى انا
شكرا عشان خليتينى اقوى
شكرا عشان بتثقى فيا
شكرا عشان بتثقى فيا
شكرا عشان دايما بتشجعينى
شكرا عشان عمرك ما عاملتينى زى ما اى ام مصرية بتعامل بنتها
شكرا عشان ساعدتينى انى اكون احسن فى حاجات كتير جدا
شكرا لأنك خليتى اكبر على الصلاة و القرآن
شكرا لأنك خليتينى اعرف ازاى اكون مؤمنة بربنا بجد
شكرا لأنك علمتينى ان مافيش حد هينفعنى غير ربنا
شكرا عشان جبتيلى اخواتى الى ماليش غيرهم فى الدنيا دى كلها
شكرا عشان ماكنتيش بتعاملينى على انى طفلة صغيرة عبيطة لما كنت طفلة صغيرة عبيطة
شكرا لأنك جنبى دايما
شكرا لأنك دايما شيفانى مميزة و مختلفة
شكرا لأنك دايما بتحاولى تفرحينى بأى حاجة مهما كانت الظروف
شكرا عشان علمتينى اكون انسانة
شكرا لأنك زرعتى فيا المبادئ الكويسة الى ماكنتش هتعلمها ولو بعد مليون سنة
شكرا لأنك دايما سبب كل حاجة حلوة فى حياتى
شكرا لأن انتى مصدر قوتى و الهامى, و الحاجة الوحيدة المتأكدة منها فى الدنيا المتغيرة المتقلبة دى, انتي النور الى بيخلينى اضوى, لما كل حاجة بتخلينى انطفى..انتى الى بتخلينى اكمل و اعافر, و انتى الى بتخلينى عايزة ابقى حاجة عشان تبقى فخورة بيا دايما, انتى الى لما بدعى بحاجة بقول يا رب لو هيكون المقابل انك تحرمنى منها فأنا مش عايزة اى حاجة غير وجودها..
شكرا لأن انتى مصدر قوتى و الهامى, و الحاجة الوحيدة المتأكدة منها فى الدنيا المتغيرة المتقلبة دى, انتي النور الى بيخلينى اضوى, لما كل حاجة بتخلينى انطفى..انتى الى بتخلينى اكمل و اعافر, و انتى الى بتخلينى عايزة ابقى حاجة عشان تبقى فخورة بيا دايما, انتى الى لما بدعى بحاجة بقول يا رب لو هيكون المقابل انك تحرمنى منها فأنا مش عايزة اى حاجة غير وجودها..
شكرا لأنك انتى
شكرا لأنك موجودة
شكرا كلمة قليلة اوى عليكى بس انا ماعنديش غيرها
هى مش هتشوف الكلام دا،مش عارفة ليه كتبته هنا، بس يمكن تشوفه فى يوم من الايام.
