لو لسة ماعملتش stop notifications لجروب الدفعة, الحق نفسك حالا..لأنك - و خاصة فى فترة الامتحانات- هتلاقى اسألة غريبة جدا.. من نوعية,
"يا جماعة آخر محاضرة الدكتور كح كحة, هل هتيجى فى الامتحان؟"
و الكومنتات بقى,
"لأ مش هتيجى."
"لأ مش هتيجى."
"مش هتيجي يا جماعة انا سألته شخصيا و قالى مش هتيجى"
"متأكدة؟"
"أة متأكدة"
"طب حد يتصل يسأل الدكتور"
"طب حد يتصل يسأل الدكتور"
"يا جماعة والنبى ركزوا, اصلها ماكانتش كحة عادية, كانت كحة تقيلة..الى هى ببلغم دى"
"دكتور مين؟"
"دكتور مين؟"
"آة هتيجى"
"مادة اية؟"
"مادة اية؟"
"لأ مش هتيجى"
"على فكرة يا جماعة هو كح فى محاضرة السنة الى فاتت, و الناس الى فى سنة تانية قالوا انها جت فى الامتحان مع انه قالهم انها مش هتيجى"
"دكتور مين؟"
"على فكرة يا جماعة هو كح فى محاضرة السنة الى فاتت, و الناس الى فى سنة تانية قالوا انها جت فى الامتحان مع انه قالهم انها مش هتيجى"
"دكتور مين؟"
"يا جماعة الTA جابله دوا ساعتها, هل هيسألنا على الدوا دا كمان ولا الكحة بس؟"
"مش عارفة والله بس طالما جابله دوا..يبقى ممكن يسألنا فيه"
"مش عارفة والله بس طالما جابله دوا..يبقى ممكن يسألنا فيه"
"مادة اية؟"
"يا جماعة حد يرد عليا...دا دكتور مين؟"
"يا جماعة حد يرد عليا...دا دكتور مين؟"
"يا جماعة انا سألت الدكتور و قالى الكحة جاية بس من غير دوا"
"مادة اية؟؟..دكتور مين؟؟"
"مادة اية؟؟..دكتور مين؟؟"
والامتحان يخلص, و يحلوا سؤال الحكة..و هو لسة مش عارف مادة اية ولا دكتور مين :D
و تلاقى بقى كل الناس سايبة كل المادة و قافشين فى جزء من حتة من صفحة..
"يا جماعة حد يفهمنى الجزء دا عشان مش فهماة خالص"
"وانا كمان"
"يا جماعة حد يفهمنى الجزء دا عشان مش فهماة خالص"
"وانا كمان"
"وانا يا جماعة"
"لو فهمتوا فهمونى"
"يا جماعة حرام الى بيحصلنا دا والله..احنا كدا هنشيل"
يا ماما مش هتشيلى :D والله ما هتشيلى لو ذاكرتى كل الباقى و سبتى الحتة دى, دا لو افترضنا انها جت فى الامتحان, و انك ماعرفتيش تفتى فيها بشكل او بآخر :D
بس هتشيلى لو سبتى كل المادة و قفشتى فى الحتة دى يعنى -.-
"لو فهمتوا فهمونى"
"يا جماعة حرام الى بيحصلنا دا والله..احنا كدا هنشيل"
يا ماما مش هتشيلى :D والله ما هتشيلى لو ذاكرتى كل الباقى و سبتى الحتة دى, دا لو افترضنا انها جت فى الامتحان, و انك ماعرفتيش تفتى فيها بشكل او بآخر :D
بس هتشيلى لو سبتى كل المادة و قفشتى فى الحتة دى يعنى -.-
دا غير الاسألة الوجودية الى زى
"هى الاسامى دى نحفظها؟"
"هى التواريخ دى حفظ؟"
"هى الاسامى دى نحفظها؟"
"هى التواريخ دى حفظ؟"
"هو انا لازم احفظ الامثلة الى فى الكتاب ولا ممكن اجيب امثلة من عندى؟"
و فى الآخر كل واحد بيبتدى شوف مين معاه فى اللجنة, و مين قاعد جنبه و مذاكر اية و يظبطوا مع بعض :D
الجميل فى الموضوع اننا كلنا بنفتى, بس بنبقى عايزين نساعد يعنى :D
والأجمل اننا بنقتنع جدا بالفتى دا..و الأروع اننا بنجيب تقدير فى الآخر يعنى :D
الجميل فى الموضوع اننا كلنا بنفتى, بس بنبقى عايزين نساعد يعنى :D
والأجمل اننا بنقتنع جدا بالفتى دا..و الأروع اننا بنجيب تقدير فى الآخر يعنى :D
على العموم يا جماعة لو حد عرف الكحة الى كحها الدكتور جاية فى الامتحان ولا لأ يقولى..
#mayarelshahat #ميار #ميارالشحات ميار الشحات #اسالة #امتحانات #ثانوية
