دلوقتى بقت الموضة اننا نتريق على حد,
اتريق على كل الناس
اى حد بيعمل اى حاجة
اتريق على الى بيصوروا
على الى بيرسموا
على الى بيكتبوا
على الى بيقروا
على الى بيجروا
على الى بيعزفوا
على الى بيغنوا
على الى بيعملوا فيديوهات عاليوتيوب
على الى بيحبوا يتصوروا و يكونوا "موديلز"
اتريق على اى حد كاتب اى حاجة
مصور اى حاجة
افضل اتريق
خلاص خلصت؟
بص لنفسك
انت بتعمل اية بقى؟
بتصور؟
بتكتب؟
بترسم؟
بتقرا؟
بتجرى ولا بتلعب رياضة ولا بتقوم من مكانك حتى؟
لأ انت مجرد انسان روش,بيتريق على الناس الى بيعملوا اى حاجة , بيستغلوا فراغهم فى اى حاجة بيحبوا يعملوها
انت بتلعب كام لعبة على الكمبيوتر,او قاعد مع صحابك الروشين الى زيك و بردو عمالين تتريقوا على اى حاجة و اى حد
انت انسان بتسخف من اى حد,من اى حاجة بيعملها ..انت انسان مالكش وجود فى الوجود فعلا :D
يا ريت تركز فى نفسك كدا و تشوفلك حاجة مفيدة تعملها...بدل ما عمرك كله يروح فى التريقة و التسخيف
P.S فى حاجات تستاهل ان الواحد ينتقدها,مش يتريق عليها.
____________
ميار الشحات
