حاجة غريبة جدا انك فجأة تبقى مسئول عن شخص و لازم تزرع فيه الحاجات الصح و تعرفه اية الغلط..و تجاوب على كل اسألته و تقنعه..و تملى فضوله..و ماتخنقهوش..و تخليه يحبك..و تساعده انه يكون احسن..و ماتشكلش عليه اى ضغوط..و تخليه عنده دم, و ماتعملش حاجة تهز صورتك فى نظره..و تعرفه ازاى مايسيبش حقه, بس مايكونش بلطجى, بس ياخد حقه, و انه يكون محترم, بس صايع فى نفس الوقت, و ان الناس كلها كويسة, و ولاد كلب فى نفس الوقت.. وانه لازم يحاول يأثر فى الناس بدوت ما يتأثر بيهم و حاجات كتير جدا..
بس فى ناس بتعمل كل دا و عياله بيطلعوا مش متربيين بردو..
الحقيقة موضوع التربية دا موضوع وجودى, و يطول الكلام فيه,و كل ماجى اكتب فيه حاجة احس انى ماقولتش كل الى عندى, فأمسح و اقفل..زى دلوقتى كدا...ميار الشحات ميار ميار_الشحات mayarelshahat mayar el-shahat
