التواصل الاجتماعى والانفتاح على العالم زود نسبة الاكتئاب و عدد مرات الاصابة به..
ليه؟
عشان انت قاعد فى اوضتك, اوضة بائسة زيك, فاتح اللاب توب المتلصم, و مش عايز تحرك الشاحن عشان لما بيتحرك بيفصل اللاب توب و مش عارف تحط البطارية عشان بايظة..و بتفتح الفيس بوك تشوف التايم لاين المتين بتاعك, تلاقى الى مسافر و الى بيبلبط و الى بيقابل اصحابه و مبسوطين و الى منزل آخر موسيقى الفها والى منزل رسوماته و الى مع العيلة و الى بيكتب انه نجح وانه هيسافر يدرس برا و الى هيخطب والى هيتجوز و الى خلف والى طلق :D
وانت قاعد grumpy face بتقلب الفيس بوك, يومك ممل و روتينى, نفسك تعمل حاجات كتير جدا و مش عارف..
بتقارن حياتك بحياة الناس الى عندك دول و بتكره عيشتك طبعا و بتبقى ناقم على العيشة والناس و المجتمع والحاجات الكتير دى..
بتكمل فرجة على التايم لاين و بتلاقى اخبار عن قتل و سرقة و خطف و حاجات زى الزفت, بتكتئب و بتقولى فى قرارة نفسك انك احسن من غيرك..بتكمل بتلاقى ناس هايصة..و بتكمل بتلاقى ناس لايصة :D
كل دا ممكن فى خلال نص ساعة بس بيخلق عندك حالة من عدم الاتزان, انت مش عارف انت راضى عن حياتك ولا ناقم عليها..
لما بتشوف حاجات لناس بتوع برا دول بتحس انهم فى عالم تانى, وانك نفسك تختفى حالا و تظهر عندهم..
بيخلص يومك وانت مكتئب..عايز تبقى احسن, و ترتقى بنفسك, بس مش عارف تعمل اى حاجة..
مش قادر تجهر بكرهك لعيشتك بضمير مستريح لأنك شايف ان فى ناس حالتهم اسوء منك بمراحل..
الانفصام دا بيشتد عليك كل يوم, فحالتك النفسية بتسوء..وبتبقى مكتئب بالعادة..
ملحوظة: دى مش محاولة لتحليل النفس ولا انا ليا اى علاقة بعلم النفس والكلام الكبير دا كله, دى مجرد استنتاجات بسيطة لاحظتها تحتمل الصواب و تحتمل الخطأ.
ميار الشحات مدونة ميار الشحات موقع ميار الشحات #ميار #ميار_الشحات #الشحات #ميارالشحات #mayarelshahat #mayar_elshahat
عشان انت قاعد فى اوضتك, اوضة بائسة زيك, فاتح اللاب توب المتلصم, و مش عايز تحرك الشاحن عشان لما بيتحرك بيفصل اللاب توب و مش عارف تحط البطارية عشان بايظة..و بتفتح الفيس بوك تشوف التايم لاين المتين بتاعك, تلاقى الى مسافر و الى بيبلبط و الى بيقابل اصحابه و مبسوطين و الى منزل آخر موسيقى الفها والى منزل رسوماته و الى مع العيلة و الى بيكتب انه نجح وانه هيسافر يدرس برا و الى هيخطب والى هيتجوز و الى خلف والى طلق :D
وانت قاعد grumpy face بتقلب الفيس بوك, يومك ممل و روتينى, نفسك تعمل حاجات كتير جدا و مش عارف..
بتقارن حياتك بحياة الناس الى عندك دول و بتكره عيشتك طبعا و بتبقى ناقم على العيشة والناس و المجتمع والحاجات الكتير دى..
بتكمل فرجة على التايم لاين و بتلاقى اخبار عن قتل و سرقة و خطف و حاجات زى الزفت, بتكتئب و بتقولى فى قرارة نفسك انك احسن من غيرك..بتكمل بتلاقى ناس هايصة..و بتكمل بتلاقى ناس لايصة :D
كل دا ممكن فى خلال نص ساعة بس بيخلق عندك حالة من عدم الاتزان, انت مش عارف انت راضى عن حياتك ولا ناقم عليها..
لما بتشوف حاجات لناس بتوع برا دول بتحس انهم فى عالم تانى, وانك نفسك تختفى حالا و تظهر عندهم..
بيخلص يومك وانت مكتئب..عايز تبقى احسن, و ترتقى بنفسك, بس مش عارف تعمل اى حاجة..
مش قادر تجهر بكرهك لعيشتك بضمير مستريح لأنك شايف ان فى ناس حالتهم اسوء منك بمراحل..
الانفصام دا بيشتد عليك كل يوم, فحالتك النفسية بتسوء..وبتبقى مكتئب بالعادة..
ملحوظة: دى مش محاولة لتحليل النفس ولا انا ليا اى علاقة بعلم النفس والكلام الكبير دا كله, دى مجرد استنتاجات بسيطة لاحظتها تحتمل الصواب و تحتمل الخطأ.
ميار الشحات مدونة ميار الشحات موقع ميار الشحات #ميار #ميار_الشحات #الشحات #ميارالشحات #mayarelshahat #mayar_elshahat
