- الشر بقى فى كل مكان
- اكيد الخير هينتصر في يوم من الايام
- مابقاش فى عدل, مافيش مساواة
- يوما ما هتخلص المأساة
- الناس بتموت من الجوع و البرد
- احمد ربنا انك مش زى منهم حد
- طب انا عايز احكيلك مشكلتى
- احكي
- انا بحب الرسم , و بحب المزيكا, و بحب اجمع انتيكا..
- دول فيهم شبهات
- طب انا بحب وجود البنات..
- اياكم والاختلاط
- طب انا عايز اصحى على صوت عصافير..
- مالها كلاكسات العربيات؟
- طب اسمع اغانى قبل مانام
- لأ اوعى, احسنلك اسمع قرآن..
- ماببقاش مركز و مابتأثرش..
- مايخسرش..
- طب انا مش فاهم..
- احفظ وخلاص..
- انا بدعى فى كل صلاة, ان الناس تصبح امنين
- وانا اقول آمين
- بس انا اصلا مش عارف لما بصلى, صوتى بيوصل ولا هباء؟!
- اسكت اسكت, بلاش غباء
- لكل شئ سبب محطوط؟
- دا كلام مظبوط..
- طب انا ليه هنا؟
- من كام سنة؟
- من قبل ماكون موجود..
- انا مش متأكد من حاجة..
انا عارف اننا ماشيين,
بعد يوم او بعد سنين..
ممكن مايجيش غيرنا, و ممكن يجى ناس تانيين
و علشان اقولك بصراحة,
فى حاجات كتير انا ماعرفهاش,
انا مؤمن بوجود الخالق, هو العالِم, هيعرّفنى..يوما ما..
- طب ليه سايب الناس تاكل فى بعض؟
- عشان يختبرنا..
- طب واحنا مالنا؟!
- احنا عبار عن حلقات,
لو هتتفرج من سكات,
- يبقى انت مش فاهم اللعبة..
- ازاى لعبة؟ و مين الكسبان؟!
- عايز تكسب؟ خليك فى صف الغلبان..
- و اعرف منين انه على حق؟
- دى حاجة مش مضمونة..
- انا عايز اعيش فى سلام
- جبت خلاصة الكلام.
- انا آسف جدا لسيادتك
انا خايف لاأكون ازعجتك..
- عادى على فكرة...دى مش مشكلتك.
#ميار_الشحات #mayarelshahat #mayarelshahhat
