طول اليوم بحاول انسى اى مشكلة عندى,لأن غالبيتها بتكون خارجة عن ارادتى,او انا مش مسئولة عنها..بس وانا عالسرير قبل ما اجى انام..كل الافكار السودا بتجيلى..و تقعد فوق دماغى..و ترقص وكأنهم بيحتفلوا بانهم نجحوا يزعلونى!..عادةً مش بهتم بيهم,و اقول “ربنا موجود” و افكر فى احلام حلوة نفسى احلمها..لحد ما اروح فى النوم..و اصحى تانى يوم,اتناسى مشاكلى و اضحك على اى حاجة,كأنى بستغل اى كلمة تتقال عشان اضحك..و يجى الليل,و اروح انام..تجيلى افكارى السودا,و المشاكل كلها تتجمع,و يعزموا بعض على شاى..و هكذا!
______________
ميار الشحات
ميار الشحات
No comments:
Post a Comment
Leave a comment before you go :)