"شعب متدين بطبعه"
,الحقيقة لأ,هو مش متدين ولا حاجة
هو عمل لنفسه دين خاص من العادات التقاليد والحاجات الموروثة و بقى متدين بيه
..الناس مبقاش يهمها الحرام قد ما يهمها العيب و نظرة المجتمع والناس ليهم..اختلط عند الناس العيب و الحرام
و عموما هما هيرجحوا كفة العيب عن الحرام
زى ماتكون الناس بتعمل قواعد خاصة عشان تخنق نفسها بيها
تخيلوا
معايا واحدة حبت تتحجب ومع الحماس و
التشجيع من الاهل و الجيران و الاصحاب
اتحجبت فعلا
و فضلت فترة محجبة
..بس جت بعد كدا حست انها مش محجبة صح
او انها اتسرعت فى القرار
..وانها فعلا عايزة تفك الحجاب لحد ماتبقى مستعدة له
..طبعا اهلها هيمانعوا
بس مش عشان الدين او مبدأ او كدا لأ, عشان
الناس هيقولوا عليكى اية؟! انتى عايزة تفضحينا؟
ولووقفت قصادهم و فكته فعلا
اول ماتنزل الشارع كل معارفها هيبصولها
بصة استغراب
مع شوية احتقار مثلا
على شوية مصمصة شفايف
على كام ضربة كف على كف
..و سيرتها هتبقى على كل لسان
-بكل خير طبعا-
طيب مثال تانى,
فى امثلة كتير جدا و حكايات بتتعارض مع الدين
.. وتنم عن الجهل..خرافات اساسا
..الغريب انك بتلاقى الناس بتستشهد بيهم
كحجة او دليل قوى يؤيد كلامهم..مع انه متعارض مع الدين
بس هما عادى مقتنعين اقتناع يصل الى اليقين انهم صح
....هو عمل لنفسه من التقاليد والعادات دين خاص
شعب متدين بطبعه فعلا..بس بدين الجهل
______________
ميار الشحات
ميار الشحات
No comments:
Post a Comment
Leave a comment before you go :)