من شوية كنت بدور على حاجة فى درج المكتب عندى,مالقتش الحاجة الى بدور عليها بس لقيت ورقة كاتبة فيها كلام ايام ثورة خمسة و عشرين يناير :D
فـحبيت انقلهولكم هنا..بتقول كالآتى
ثورة خمسة وعشرين
و شباب متجمعين
اهدافهم حاجة واحدة
عليها متفقين
لا كانوا بلطجية
ولا كانوا مندسين
طلع الى قال عليهم
من برا متمولين
مهزهمش كلام
الى ليهم مُعارضين
الى ليهم مُعارضين
عارفين انهم صح
و فنفسهم واثقين
تشوفهم فى الميدان
تقول اسود واقفين
قُدام رصاص,قنابل
تلاقيهم ثابتين
لا واحد قال اروّح
ولا كفاية خسرت عين
شعارهم كان سلمية
وعليه مكملين
ظهرت حاجات جميلة
مدفونة من سنين
طالبوا بحقوق عادية
ماخرجوش عن الدين
ولما حصلت المعجزة
مكانوش مصدقين
وبردو طلع ناس
تقول يا ريس آسفين
شوف بعد كل دا
آسف تتقال لمين!
_____________________
ميار الشحات ١٥ /١١ /٢٠١١
