عندى فوبيا شديدة من الاماكن المغلقة والضيقة..
بيجيلى ضيق تنفس..
الحالة بتسوء لما يكون مافيش نور..
ماعرفش اية العلاقة بين ان يكون مافيش نور و بين انى اتخنق.
الفترة الاخيرة ما شاء الله النور بيجى كل فين و فين!
مش دا المهم..
النهاردة فجأة النور قطع، وكنت فى اوضة ضيقة، و قافلة الباب عشان كنت فاتحة التكيف..
فجأة سمعت صوت حشرة بتطير قريب منى..
اتفزعت!
يعنى بجانب ضيق التنفس الى عندى، والحر، والخنقة، جت الحشرة الى بتطير دى الى انا مش عارفة هى اية بالظبط..و رعبتنى..
كنت عمالة اتلفت حواليا..
خايفة تيجى عليا..
بما انى ماشوفتهاش، ففضلت اتخيل انها بقى كبيرة جدا و تنين مجنح واللكلام دا..
و اتمنيت ان النور يجى عشان احاربها و اضى عليها
بس خفت لتطير و تستخبى و ماعرفش اجيبها و افضل فى الرعب دا كتير..
اخيرا النور جه و ماما جت نقذتنى منها!
------
انا اعرف ان الانسان السئ قبره بيبقى ضيق، ضلمة، مليان حاجات بترعبه أشبه بالحشرة دى.
-----
لما اموت ادعولى انى ماكُنش بعانى من الحاجات دى هناك.
